Republika e Kosovës

Ministria e Shëndetësisë

GMA nga Danimarka premton donacione për shëndetësinë kosovare

Prishtinë, 24.04.2014

 

Ministri i Shëndetësisë së Republikës së Kosovës Ferid Agani priti sot presidentin  dhe themeluesin e OJQ-së daneze “Global Medical Aid” z. Hans-Frederik Dydensborg, ku u bisedua për nevojat e kujdesit shëndetësorë në Kosovë.

Ne takim Ministri Agani dhe z. Dydenzborg  u pajtuan te nënshkruhet së shpejti një Marrëveshje e Bashkëpunimit midis MSh-së dhe OJQ-së GMA.

Me këtë marrëveshje, kujdesi shëndetësor në Kosovë do përfitoj barna, pajisje dhe material harxhues si donacion nga organizata daneze.

Global Medical Aid, është  organizatë  joqeveritare humanitare daneze , e njohur për projektet e kujdesit shëndetësor në vendet në zhvillim. Organizata ofron  donacion me  barna, pajisje dhe produkte medicinale.

Të gjitha donacionet e bëra nga OJQ-ja daneze “GMA” janë në përputhje me udhëzimet e përcaktuara nga Organizata Botërore e Shëndetësisë (OBSH).