Republika e Kosovës

Ministria e Shëndetësisë

Ministri Agani vlerëson lart partneritetin në shëndetësi me Qeverinë e Luksemburgut

Ministri i Shëndetësisë Ferid Agani priti sot në delegacion të Lux –Development, të kryesuar nga z. Henry Guillan, drejtor i operacioneve të projekteve të Qeverisë së Luksemburgut në Kosovë.
Në këtë takim është vlerësuar lart nga të dy palët bashkëpunimi në fushën e shëndetësisë dhe në menaxhimin e projekteve mbështetëse të Qeverisë së Luksemburgut për sistemin shëndetësor të Republikës së Kosovës.
Ministri Agani ka njohur delegacionin e Lux –Development me angazhimet e MSh-së në reformën legjislative, në fushën e ngritjes së kapaciteteve dhe infrastrukturës, përmirësimin e cilësisë së shërbimeve shëndetësore dhe me pritjet që i ka Ministria në të ardhmen.
Delegacioni i Lux –Development ka shprehur kënaqësinë që kontributi i tyre është vlerësuar dhe në realizimin e projekteve dhe te MSh-ja ka gjetur partneritetin e duhur, për të cilin u shprehën zotime se do të vazhdojë edhe në të ardhmen.