Republika e Kosovës

Ministria e Shëndetësisë

Ministri Rrahmani dhe Ambasadorja kroate Kapitanoviq bisedojnë për thellimin e bashkëpunimit Kosovë-Kroaci në shëndetësi

Prishtinë, 17 tetor 2016

Ministri i Shëndetësisë i Republikës së Kosoëvs, Imet Rrahmani, priti sot në takim Ambasadoren e Republikës së Kroacisë në Kosovë, znj. Marija Kapitanoviq.

Në këtë takim, Ministri Rrahmani ka falënderuar shtetin kroat për mbështetjen Kosovës dhe shëndetësisë së saj, ndërsa ka theksuar se midis dy shteteve  ekzistojnë mundësi të shumta bashkëpunimi në fushën e shëndetësisë.

Në këtë aspekt, Ministri ka rikujtuar Memorandumin e bashkëpunimit,  të nënshkruar vitin e kaluar në Zagreb midis dy ministrive respektive për bashkëpunim në fushën e shëndetësisë.

Duke shprehur interesimin për vazhdimin e bashkëpunimit mbi bazën edhe të Forumit të vjetëm të shëndetësisë kosovare –kroate,  të mbajtur vitin e kaluar në Prishtinë, por edhe mbi bazën e Memorandumit të bashkëpunimit, Ambasadorja Kapitanoviq tha se midis institucioneve shëndetësore të dy vendeve ka shumë mundësi bashkëpunimi si fushën e ofrimit të shërbimeve ashtu edhe të këmbimit të kuadrove, specializimit të një numri mjekësh nga Kosova në Kroaci dhe në fusha të tjera.

Ministri Rrahmani, nga ana e tij tha se me fillimin e sigurimeve shëndetësore vitin që vjen, mundësi të reja bashkëpunimi do të hapen për bashkëpunim konkret, ndërkohë që vlerësoi gatishëmërinë e institucioneve kroate për të ofruar ekspertizën e tyre edhe në këtë fushë.