Republika e Kosovës

Ministria e Shëndetësisë

Ministri Rrahmani priti Shefen e Zyrës së UNICEF-it në Kosovë, znj. Laila Omar Gad

 Prishtinë, 28 janar 2015

Ministri i Shëndetësisë i Republikës së Kosovës, Imet Rrahmani priti sot në takim shefen e Zyrës së UNICEF-it në Kosovë, znj. Laila Omar Gad.  Në takim u bisedua për format e bashkëpunimit ndërmjet Ministrisë së Shëndetësisë dhe organizatës UNICEF, veçanërisht në aspektin e reformës shëndetësore dhe  ndihmën që mund të ofron UNICEF-i në këtë drejtim.

Ministri Rrahmani, tha se është i njoftuar për ndihmën e madhe të deritanishme të UNICEF-it, për shëndetësinë e Kosovës, me ç’rast shprehu falënderim dhe interesin që bashkëpunimi i deritashëm me këtë organizatë të vazhdojë edhe në të ardhmen.

Ministri Rrahmani e njoftoj znj. Omar Gad, se reformën e filluar në shëndetësi, do të vazhdojë por, duke e monitoruar në detaje për të eliminuar elementet të cilat nuk përkojnë me avancimin e një sistemi të mirë shëndetësor.

“Ndër prioritetet kryesore në mandatin tim është, Sistemi i Sigurimeve Shëndetësore efikase dhe i barabartë për të gjithë banorët e Kosovës, ku presë një mbështetje dhe bashkëpunim nga të gjithë akterët që veprojnë në Kosovë, përfshi edhe organizatën UNICEF”, tha Ministri Rrahmani.

Znj. Omar Gad uroi ministrin Rrahmani  për emërimin e tij, si ministër i Shëndetësisë, duke  theksuar se misioni UNICEF-it në Kosovë, do të vazhdojë bashkëpunimin me  Ministrinë e Shëndetësisë, me projekte të ndryshme që kanë qëllim përmirësimin e shërbimeve shëndetësore për qytetarët e Kosovës.