Sot, Ministri i Shëndetësisë, Dr. Arben Vitia vizitoi Klinikën e Onkologjisë në QKUK ku pa nga afër punimet për vendosjen e akseleratorit të ri.

Ai u njoftua se akseleratori në Klinikën e Onkologjisë është në fazën finale të montimit mekanik. Së shpejti do të instalohen softuerët, testimi dhe kalibrimi që të jetë në shërbim të pacienteve më herët sesa afatet e planifikuara.

Ky investim është në vlerë të 1 milion e 444 mijë eurove.

Me akseleratorin e ri, do të ulen ndjeshëm rradhët e pritjes për radioterapinë, duke siguruar trajtimin me akseleratorë të avancuar të gjeneratës së fundit, ku fokusimi i rrezeve jonizuese në inde është i sigurtë për organizimin dhe përmirëson cilësinë e trajtimit me radioterapi.

Me akseleratorin e gjeneratës së fundit, stafi shëndetësor i shërbimit onkologjik, do të ketë mundësinë që për pacientët të aplikojnë teknikat më bashkëkohore sipas standardeve dhe të shtojë vëllimin e punës.