Sot, Ministri i Shëndetësisë, Dr. Arben Vitia i shoqëruar nga Drejtori i ShSKUK-së, z. Elvir Azizi morrën pjesë në ngjarjen e shënimit të punës rekord të ofrimit shërbimeve shëndetësore për qytetarët gjatë vitit 2023 në Klinikën e Kardiologjisë

Ministri Vitia u informua nga Drejtori i Klinikës së Kardiologjisë, Dr. Lulzim Kamberi për progresin pozitiv që gjatë këtij viti në Klinikën e Kardiologjisë janë realizuar 4050 koronarografi, shifër kjo që shënon një rritje impresionuese prej 1121 koronarografi më shumë se në vitin paraprak.

Po ashtu, janë bërë 3458 stentime dhe 2205 procedura të stentimeve.

Gjithashtu, Ministri Vitia u njoftua edhe për numrin e vizitave ambulantore në këtë klinikë, ku brenda këtij viti janë ofruar 16733 shërbime ambulantore në ambulancat specialistike në Klinikën e Kardiologjisë. 2669 më shumë se sa viti i kaluar.

Ministri Vitia e vlerësoi përkushtimin dhe angazhimin e palodhur të stafit të Klinikës së Kardiologjisë dhe potencoi se me qëllim të zvoglimit të listës së gjatë të pritjes dhe jo vetëm, Ministria e Shëndetësisë ka prezantuar Planin e Veprimit për Kardiologjinë invazive në Spitalin e Përgjithshëm të Prizrenit, plan ky i buxhetuar në 4,612,110.85 E.

Ky plan përfshin një investim të rëndësishëm në infrastrukturë dhe personel, duke synuar rritjen e numrit të procedurave invazive kardiake, rritjes të numrit të kardiologëve intervent, infermierëve dhe stafit mbështetës, si dhe orarit të ri.