Kryeministri i Republikës së Kosovës, z. Albin Kurti së bashku me Ministrin e Shëndetësisë, dr. Arben Vitia përuruan Repartin Pediatrik në Spitalin Regjional të Mitrovicës.

Pas një bllokimi nëntë vjeçar u funksionalizua Reparti i Pediatrisë në Mitrovicë, i cili përveç objektit modern është furnizuar edhe me pajisje mjekësore të gjeneratës së fundit si dhe inventar të nevojshëm, që do t’ju mundësojnë profesionistëve shëndetësorë në ofrimin e shërbimeve më cilësore, si dhe ambient më atraktiv për më të vegjlit tanë.

Reparti i Pediatrisë në Spitalin e Mitrovicës, me infrastrukturë moderne tashmë ka:

? 11 dhoma me të gjitha pajisjet e nevojshme;

? 25 shtretër për hospitalizim;

? dhomën për mjekim intensiv me dy shtretër e pajisur me aparaturë të nevojshme.

Me këtë investim, Ministria e Shëndetësisë funksionalizon për herë të parë edhe shërbime të reja të munguara deri më tani për fëmijët dhe jo vetëm:

? Shërbimi radiologjik, ultrazërin dhe rëntgenin mobil në kuadër të repartit,

? Aparaturë moderne për realizimin e të gjitha analizave të nevojshme laboratorike për pacientët e këtij reparti;

? Spirometria poashtu është një shërbim i ri që do të ofrohet në kuadër të repartit të ri.

Vlera e investimeve në këtë repart është mbi 700 mijë euro duke përfshirë infrastrukturën dhe pajisjet.